तुला आठवू पाहतो मी
Wednesday 27 November 2013
Saturday 16 November 2013
स्वप्नामधेच का रे तू भेटशी?
स्वप्नामधेच का रे तू भेटशी?
आयुष्य थांबल्याचा हलकाच भास झाला
तेव्हा सुरु नव्याने माझा प्रवास झाला ….
स्वप्नामधेच का रे तू भेटशी? कळेना!
प्रत्येक रात्र, दिनही माझा उदास झाला ….
माझ्या मनास वेड्या चाहूल लागली अन
असशील भोवती तू हळुवार भास झाला ….
शोधीत श्वास, गंधित क्षण ते, तुझ्यात होते
पण व्यर्थ का असा रे सारा प्रयास झाला ….
मी जीवना तुझा रे! जेव्हा हिशोब लिहिला
त्याचा उगाच माझ्या जगण्यास त्रास झाला ….
मिलिंद कुंभारे
Tuesday 12 November 2013
कशी गीत गाऊ
कशी गीत गाऊ
कळेना कधी गुंतले, संपले मी
तरीही कुठे बावरी, चालले मी …
जरी पारखी मी तुझ्या संगतीला
सुखांशी तरीही जणू भांडले मी …
जराशी जराशी अता राहिले मी
व्यथा, वेदनांनी जणू वेढले मी …
जुनेरे कसे गीत गावे नव्याने?
अता आटली आसवे, गोठले मी …
कसे आवरू सावरू मी स्वत:ला
कळेना कधी थांबले, भंगले मी ….
किती देत राहू मला मी दिलासे
तुझ्या आठवांनी मला जाळले मी ….
मिलिंद कुंभारे
कळेना कधी गुंतले, संपले मी
तरीही कुठे बावरी, चालले मी …
जरी पारखी मी तुझ्या संगतीला
सुखांशी तरीही जणू भांडले मी …
जराशी जराशी अता राहिले मी
व्यथा, वेदनांनी जणू वेढले मी …
जुनेरे कसे गीत गावे नव्याने?
अता आटली आसवे, गोठले मी …
कसे आवरू सावरू मी स्वत:ला
कळेना कधी थांबले, भंगले मी ….
किती देत राहू मला मी दिलासे
तुझ्या आठवांनी मला जाळले मी ….
मिलिंद कुंभारे
Subscribe to:
Posts (Atom)