स्वरलहरी
सुमधुर असे गीत तुझे!
तुझ्या गीतांत सूर नवे!अन शब्द तुझे जणू चांदणे!
कधी कधी मज वाटतसे;
सप्तसूरातला व्हावा मी
एखादा सूर गडे!
अन गाता गाता तुजसंगे;
मैफलीत तुझ्या हरवून जावे!
कधी कधी मज वाटतसे;
विसरून जावे दुरावे तुझ्या माझ्यातले;
क्षणभर समीप तू माझ्या असावे;
अन स्वरलहरींत तुझ्या मी विलीन व्ह्वावे!
कधी कधी मज वाटतसे;
बेधुंद मी असे स्वैरभैर व्हावे;
अन अधरांतून हलकेच ओघळते;
पुष्प तव हळुवार भावनांचे;
पापण्यांत नयनांच्या अलगत मिटावे!
सुमधुर असे गीत तुझे!
तुझ्या गीतांत सूर नवे!
अन शब्द तुझे जणू चांदणे!
मिलिंद कुंभारे
सुंदर कविता ,,,
ReplyDeleteSweetsunita.....
ReplyDeletethanks :)